1. ÜMUMİ MÜDDƏALAR
1.1 “IQTISADI TƏDQIQATLAR MƏRKƏZI” İctimai Birlik (bundan sonra birlik adlanacaq) mənafe ümumiliyi, könüllülük, üzvlərinin hüquq bərabərliyi prinsipləri əsasında yaradılan könüllü birləşmədir.
1.2 Birlik öz fəaliyyətini Azərbaycan respublikasının onstitusiyası və qanunları ,həmçinin bu nizamnamə əsasında qurur .
1.3 Birlik Azərbaycan respublikası Ədliyyə Nazirliyində qeydiyyata alındığı vaxtdan hüquqi şəxs statusu qazanır. Birliyin müstəqil balansı, dairəvi möhürü, ştampı, Azərbaycan respublikasının Banklarında hesablaşma hesabları və digər rekvizitləri var.
1.4 Birlik öz adından müqavilələr bağlaya, əmlak və şəxsi qeyri-əmlak hüquqlarını əldə edə , vəzifələr daşıya, məhkəmədə iddiaçı və cavabdeh kimi çıxış edə bilər.
1.5 Birliyin yerləşdiyi ünvan: Bakı şəhəri , Xəqani küçəsi 25-dir .
2. BİRLİYİN MƏQSƏD VƏ VƏZİFƏLƏRİ
2.1 Birliyin əsas məqsədi Azərbaycan respublikaısnın iqtisadiyyatı ,mədəniyyəti, elmi və digər sahələrdə tərəqqisini sürətləndirmək, gənclərin vətənpərvər ruhunda böyüyüb tərbiyə olunmasını təmin etmək, ölkəmiizn çiçəklənməsi və onun beynəlxalq aləmdə rolu və nüfuzunun artması üçün Azərbaycan ziyalılarının bilik və səylərini birləşdirməkdən ibarətdir.

Download full version 

İqtisadi Tədqiqatlar Mərkəzinin (İTM) işçi heyəti və üzvləri öz peşəkar fəaliyyətlərində aşağıdakı dəyərlərə əməl etməyə borcludurlar:
- Liberallıq, dünyəvilik və dözümlülük. Başqalarına münasibətdə adil olmaq, fərqli düşüncəli insanlara düzümsülük göstərməmək, hörmət etmək;
- Müstəqillik. Bütün hallarda işlədiyi təşkilatın mənafeyini nəzərə almaq, üçüncü tərəfin (siyasi partiyalar, qohumlar, dostlar, tanışlar) maraqlarını güdməmək;
- Tərəfsizlik. Ədalətli, səmimi və dürüst olmaq, işlə bağlı başqalarına rahatsızlıq verməmək;
- Bütövlük. Təmsil etdiyi təşkilatın bütövlüyünə, üzvlərin və tərəfdaşların birliyinə hörmət etmək;
- Yüksək keyfiyyətli iş – İşində birinci növbədə keyfiyyət prinsipini rəhbər tutmaq, daim bu prinsipin qorunmasına çalışmaq;
- Cəsarətlilik. İşdə sosial problemlər yaranarsa, onun açıq müzakirəsinə imkan yaratmaq, problemləri təşkilat səviyyəsində ictimailəşdirmək;
- Qanunlara hörmət. Peşəkar fəaliyyətində göstərişləri deyil, yalnız və yalnız qanunları rəhbər tutmaq, onun aliliyinə hörmət nümayiş etdirmək;
- Vicdanlılıq. Vicdanlı olmaq, həqiqəti demək, verdiyi vədlərə əməl etmək, vədləri ilə əməllərinin üst-üstə düşməsinə çalışmaq;

Download full version