Home Tədbir Dəyirmi masa Quba və Xaçmaz bələdiyyələrinə təlim keçilib

Quba və Xaçmaz bələdiyyələrinə təlim keçilib

 

12 iyun 2012-ci ildə İqtisadi Tədqiqatlar Mərkəzinin (İTM) həyata keçirdiyi, GİZ-in maliyyələşdirdiyi “Azərbaycanın şimal bölgəsinin 10 bələdiyyəsində strateji planlaşdırma, büdcə tərtibi və maliyyə idarəçiliyində şəffaflığı və hesabatlılığı yaxşılaşdırmaq” layihəsi çərçivəsində Xaçmaz Rayonu Xaçmaz Şəhər Bələdiyyəsinin konfrans zalında “Yerli vergilərin hesablanması, qeydiyyatı və ödənilməsi” mövzusunda Quba və Xaçmaz rayonlarında yerləşən 10 tərəfdaş bələdiyyənin üzv və qulluqçuları üçün təlim keçirilib.
Təlim Vergilər Nazirliyinin Qubada yerləşən 3 saylı Regional İdarəsinin əməkdaşları – Tərlan Qafarov və Fuad Ağayev tərəfindən aparılıb.

Təlimdə Quba rayonunun Vəlvələ, Talabıqışlaq, Timiryazev, İqrığ və Digah-Xucbala, Xaçmaz rayonunun isə Pirquluoba, Qımılqışlaq, Aşağı Zeyid, Ləcət və Gödəkli bələdiyyələrinin nümayəndələri iştirak ediblər. Təlimə xüsusi qonaq kimi Xaçmaz Şəhər Bələdiyyəsinin Vergi Departamentinin rəhbəri Rövşən Qasımov da qatılıb.

3 saat davam edən təlimdə (10.00-13.00) torpaq, əmlak və digər yerli əhəmiyyətli vergi və ödənişlərin qanunvericilik əsasları, onların hesablanması, ödənilməsi, uçotu, eyni zamanda, yerli vergi ödəyicilərinin uçota alınması məsəslələri ilə bağlı təlim iştirakçılarına geniş məlumat verilıib. Təlim interaktiv əsasda aparılıb, suallar təlimçilər tərəfindən cavablandırılıb, rəylərin dinlənilməsi, fikir mübadiləsi, təcrübələrin paylaşılmasına fasilitator tərəfindən şərait yaradılıb.
Təlim zamanı Xaçmaz Şəhər Bələdiyyəsinin Vergi Departamentinin rəhbəri Rövşən Qasımov təmsil etdiyi bələdiyyənin vergilərin toplanması ilə bağlı təcrübəsindən danışıb. İştirakçıların böyük marağına səbəb olan təcrübə ətrafında geniş müzakirələr aparılıb. Xüsusilə, respublikanın bütün bələdiyyələri üçün böyük problem olan əmlak vergisinin hesablanması ilə bağlı ciddi disskusiya gedib. Rövşən Qasımov qiymətləndirmə fəaliyyəti ilə məşğul olmaq üçün lisenziyanın tələb olunmadığını, Azərbaycan Respublikası Prezidentinin 29 dekabr 2006-cı il tarixli fərnmanı ilə təsdiq edilmiş “Xüsusi razılıq (lisenziya) tələb olunan fəaliyyət növlərinin siyahısı”nda qiymətləndirmə fəaliyyətinin nəzərdə tutulmadığını əsasə gətirərək əmlakın qiymətləndirilməsinin Xaçmaz Şəhər Bələdiyyəsinin mütəxəssisi tərəfindən aparıldığını, bunu üçün mütəxəssislərin iştirakı ilə metodiki tövsiyənin hazırlandığını bildirib. Metodiki tövsiyədə qiymətləndirmə zamanı ərazinin İnfrastuktur dəyərinin (tikintinin yerləşdiyi ərazidə yolun vəziyyəti, qaz kəmərinin, elektrik xəttinin , telekommunikasiya xətlərinin su kəmərinin və kanalizasiyanın mövcudluğu, məişət tullantılarının daşınması vəziyyəti və sair), Ticarət-şəhər dəyərinin (ekoloji vəziyyət, nəqliyyatın sıxlığı, ticari fayda və sair) və Prestij dəyərinin (yaşayış massivinin qəyəri, mərkəzi idarələrin yerləşməsi vəziyyəti və sair) nəzərə alınır. Bununla yanaşı, tikilinin material kateqoriyası (konstruksiya materialı, kərpic, daş, kubik, şifer, dəmir və sair) və memarlıq dəyəri də (sovet dövründə inşa olunmuş, modern, memarlıq üslubu və sair) əsas götürülür.
Tədbirin gedişində Xaçmaz Bələdiyyəsinin tərtib və istifadə etdiyi Metodiki tövsiyənin surəti gələcək fəaliyyətlərində faydalanmaq üçün tədbir iştirakçılarına paylanılıb.
Təlimin gedişində ödənilməmiş, gecikdirilmiş vergilərin toplanması ilə bağlı fikir mübadiləsi aparılıb. Bələdiyyə sədrləri bu istiqamətdə öz təcrübələrini bölüşüblər. Öz növbəsində, təlimçilər də bələdiyyələrə vergilərin toplanması ilə bağlı praktiki məsləhətlər veriblər.

 

Nəşrlər

 

Bülletendə 2013-cü ilin ikinci rübü ərzində İqtisadi Tədqiqatlar Mərkəzinin layihə fəaliyyətləri çərçivəsində həyata keçirdiyi tədbirlər (dəyirmi masa, seminar,təlim və s.), nəşrlər, mərkəz əməkdaşlarının mətbuata açıqlamaları, xarici səfərləri barədə iki dildə (azərbaycan və ingilis) məlumat verilir.

Bülleteni yükləyin

 

 

 

 

Illik hesabat 2012

 İqtisadi Tədqiqatlar Mərkəzinin 2012-ci ildəki fəaliyyətinə dair proqram və maliyyə hesabatı  

 

----------------------------------

Dovlət Proqramı cərcivəsində XARİCDƏ TƏHSİL Ən çox verilən suallara CAVABLAR

Kitabda Azərbaycan Respublikası Prezidentinin 2007-ci il 16 aprel tarixli, 2090 saylı Sərəncamı ilə təsdiq edilmiş “2007-2015-ci illərdə Azərbaycan gənclərinin xarici olkələrdə təhsili uzrə Dovlət Proqramı”na uyğun olaraq dovlət hesabına xarici ali təhsil ocaqlarında təhsilin şərtləri, iddiazıların seçim qaydaları, olkələr uzrə aylıq xərc normaları, prioritet ixtisaslar, təhsil haqlarının odənilməsi qaydaları barədə ətraflı məlumat verilib. Nəşrdə Dovlət Proqramı cərcivəsində xarici univercitetlərdə ali təhsilin muxtəlif pillələri uzrə təhsil almağın qayda və şərtləri sadə və anlaşıqlı olması səbəbindən sual-cavab şəklində oxuculara təqdim olunub. Kitab maarifləndirici xarakterlidir.

 

 

ERC facebookda